മുത്തപ്പൻ മഠപ്പുര റോഡ് തകർന്നു; കാൽനടയാത്ര പോലും ദുരിതത്തില്‍

വെള്ളരിക്കുണ്ട്∙ നാട്ടക്കൽ ചുള്ളി റോഡിലെ മുത്തപ്പൻ മഠപ്പുര റോഡ് തകർന്ന് കാൽനടയാത്ര പോലും ദുരിതത്തിലായി . ബളാൽ പഞ്ചായത്തിലെ 11 ാം വാർഡിനെയും വെസ്റ്റ് എളേരി പഞ്ചായത്തിലെ 7ാം വാർഡിനെയും ബന്ധിപ്പിക്കുന്ന ഈറോഡ് എൺപതോളം കുടുംബങ്ങൾക്ക് പുറംലോകവുമായി ബന്ധപ്പെടാനുള്ള ഏക മാർഗം കൂടിയാണ്. രണ്ട് മാസം മുൻപ് നാട്ടുകാരിൽ നിന്നു 20000 രൂപ പിരിവെടുത്ത് റോഡ് കോൺക്രീറ്റ് ചെയ്തത് ശക്തമായ മഴയെ തുടർന്ന് തകർന്നു. നിലവിൽ പൊടിശല്യം കാരണവും പൊറുതിമുട്ടുകയാണ്.