ഇഎംഎസ് ഗ്രന്ഥാലയത്തിന് വൈദ്യുതി കണക്ഷൻ നൽകാൻ തീരുമാനം
Mail This Article
×
കുമ്പള∙ഇഎംഎസ് സ്മാരക ഗ്രന്ഥാലയത്തിനു വൈദ്യുതി കണക്ഷൻ നൽകാൻ പഞ്ചായത്ത് ഭരണസമിതി യോഗം തീരുമാനിച്ചു. ഇതിന് സെക്രട്ടറിക്കു നിർദേശം നൽകിയതായി പഞ്ചായത്ത് പ്രസിഡന്റ് യു.പി.താഹിറ യൂസഫ് പറഞ്ഞു. എൽഎൽഎ ലൈബ്രറിയായും പിന്നീട് സംസ്ഥാന ലൈബ്രറി കൗൺസിലിൽ അഫിലിയേറ്റ് ചെയ്ത് ഇഎംഎസ് സ്മാരക ഗ്രന്ഥാലയമായും 70 വർഷത്തിലേറെ പഴക്കമുള്ളതാണ് ഈ പഞ്ചായത്ത് കെട്ടിടം. വൈദ്യുതി കണക്ഷൻ കിട്ടാൻ ഇഎംഎസ് സ്മാരക ഗ്രന്ഥാലയം ഏറെ കാലമായി നിവേദനം നൽകി വരികയായിരുന്നു. പഞ്ചായത്ത്, ജില്ലാ നിയമ സേവന അതോറിറ്റി തുടങ്ങിയവയ്ക്കും ഏറ്റവും ഒടുവിൽ മുഖ്യമന്ത്രിയുടെ നവകേരള സദസ്സ് കൗണ്ടറിലും നിവേദനം നൽകിയിരുന്നു. എന്നിട്ടും വൈദ്യുതി കണക്ഷൻ ലഭ്യമാകാത്തതു സംബന്ധിച്ച് മലയാള മനോരമ വാർത്ത പ്രസിദ്ധീകരിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.