അജ്ഞാത ജീവി കിണറ്റിൽ വീണു; രക്ഷപ്പെടുത്തുന്നതിനിടെ അഗ്നിരക്ഷാ സേനയെ വെട്ടിച്ചു കടന്നു

കടയ്ക്കൽ∙ കിണറ്റിൽ നിന്നു രക്ഷപ്പെട്ട അജ്ഞാത ജീവി അഗ്നിരക്ഷാ സേനയെ വെട്ടിച്ചു കടന്നു. കാട്ടുപൂച്ചയുമായി രൂപ സാദൃശ്യം ഉള്ളതാണ് ജീവി. ഇന്നലെ ഉച്ചയ്ക്ക് ശേഷമായിരുന്നു സംഭവം. കടയ്ക്കൽ കുറ്റിക്കാട് സൗപർണികയിൽ ശശിധരന്റെ വീട്ടിലെ കിണറ്റിലാണ് ജീവി വീണത്. വിവരം ലഭിച്ച അഗ്നിരക്ഷാ സേന എത്തി. വല ഉപയോഗിച്ചു ജീവിയെ കരയ്ക്കെത്തിച്ചു. കിണറിന്റെ വക്കിൽ എത്തിയപ്പോൾ ജീവി കടന്നു. കാട്ടൂപൂച്ചയാണെന്നു കരുതുന്നു. ഫയർ ഗ്രേഡ് സ്റ്റേഷൻ ഓഫിസർ ടി. വിനോദ്കുമാർ, ഫയർ ഓഫിസർമാരായ എസ്.ജെ. ശ്രീനാഥ്, ആർ.എസ്. രാഗേഷ്, വി.ഒ. അനുമോൻ, എ. സുൽഫിക്കർ എന്നിവർ പങ്കെടുത്തു.