മഴയിൽ കോട്ടവട്ടം, മാക്കന്നൂർ മേഖലയിൽ കനത്ത നാശം

കോട്ടവട്ടം ∙ വൈകിട്ട് പെയ്ത മഴയിൽ കോട്ടവട്ടം, മാക്കന്നൂർ മേഖലയിൽ കനത്ത നാശം. മാക്കന്നൂർ ക്ഷേത്രത്തിനു സമീപം വൈദ്യുതി ലൈനിനു മുകളിലേക്കു വീണ മരം കടയുടെ മുകളിൽ പതിച്ചു. മൂന്നു വൈദ്യുതിത്തൂണുകൾ ഒടിഞ്ഞു. പ്രദേശവാസി ബാബുവിന്റെ കടയ്ക്കു മുകളിലാണ് മരം വീണത്. കടയുടെ ഉള്ളിൽ ആളുകളുണ്ടായിരുന്നെങ്കിലും ആർക്കും പരുക്കില്ല. കോട്ടവട്ടം-ചക്കുവരയ്ക്കൽ റോഡിൽ മണിക്കൂറുകളോളം ഗതാഗതം തടസ്സപ്പെട്ടു. വൈകിട്ട് മൂന്നിന് തുടങ്ങിയ മഴയാണ് നാശം വിതച്ചത്.