തെരുവുനായ ആക്രമണം; 9 പേർക്കു പരുക്ക്

കുളത്തൂപ്പുഴ ∙ ടൗൺ ജുമുഅ മസ്ജിദിനു മുൻപിൽ തെരുവുനായ്ക്കളുടെ ആക്രമണത്തിൽ 9 പേർക്കു പരുക്കേറ്റു. കടിയേറ്റ ഇവരെ ഗവ. ആശുപത്രിയിൽ പ്രവേശിപ്പിച്ചു. ഇന്നലെ രാവിലെയായിരുന്നു സംഭവം. തെരുവുനായ്ക്കൂട്ടങ്ങൾ തമ്മിലുള്ള പോരും നാട്ടുകാർക്കും വാഹനങ്ങളും തലവേദനയായി. ആരെയും വകവയ്ക്കാതെ ടൗണിൽ വിലസുന്ന ഇവ ആക്രമിക്കാൻ ശ്രമിച്ചാൽ ഒ‌ാടി രക്ഷപ്പെടേണ്ട ഗതികേടിലാണു നാട്ടുകാർ. പാതയ്ക്കു കുറുകെ ചാടുന്ന നായ്ക്കൾ ബൈക്കിൽ യാത്ര ചെയ്യുന്നവരെയും അപകടത്തിൽപ്പെടുത്തുന്നുണ്ട്.