ചായക്കടയിൽ നിത്യ സന്ദർശകനായി മണികണ്ഠൻ മയിൽ; കപ്പലണ്ടി, കടല ഇഷ്ട വിഭവങ്ങൾ

ഇടമുളയ്ക്കൽ ∙ അസുരമംഗലം ക്ഷേത്രത്തിനു സമീപത്തെ ഗോപാലകഷ്ണപിള്ളയുടെ ചായക്കടയിൽ നിത്യ സന്ദർശകനാണ് ഈ മയിൽ. നാട്ടുകാരുടെ അരുമയായ ഇവനെ പലരും പല പേരുകളാണു വിളിക്കുന്നത്. മണികണ്ഠൻ, അപ്പു, മുരുകൻ .... ഇങ്ങനെ പോകുന്നു പേരുകൾ. കപ്പലണ്ടി  , കടല എന്നിവയാണ് ഇഷ്ട വിഭവങ്ങൾ. കടയുടമ ഇവ കരുതി വയ്ക്കും. കൈ വെള്ളയിൽ നിന്നു കൊത്തി തിന്നാൻ ഒരു ഭയവുമില്ല. പ്രദേശത്ത് ഒട്ടേറെ മയിലുകൾ ഉണ്ടെങ്കിലും ഇതിനു മാത്രമാണ് നാട്ടുകാരോട് ഇണക്കം. മറ്റുള്ളവ മനുഷ്യർ അടുത്തെത്തിയാൽ പറന്ന് അകലുന്നതാണു പതിവ്. കടല കൊറിക്കാൻ‍ എത്തുന്ന മണികണ്ഠനെ കാണാൻ‍ ആളുകൾ കൂടുന്നതു പതിവാണ്.