തെരുവ് നായ ആക്രമണം: വീട്ടമ്മയ്ക്ക് പരുക്ക്

Mail This Article
×
കടയ്ക്കൽ∙ തെരുവു നായയുടെ ആക്രമണത്തിൽ മഞ്ഞപ്പാറ മുക്കട സ്വദേശി ആബിദ ബീവി (65)യ്ക്ക് പരുക്കേറ്റു. ഇവരെ പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസം വൈകിട്ടാണ് സംഭവം. ആബിദ ബീവിയെ ആക്രമിച്ച തെരുവ് നായ വളർത്തു മൃഗങ്ങളെയും ആക്രമിച്ചിരുന്നു. പുറത്ത് നിന്ന് വീട്ടിലേക്ക് വന്ന ആബിദ ബീവിയെ പിന്നിലൂടെ എത്തിയ തെരുവ് നായ ആക്രമിക്കുകയായിരുന്നു. നിലത്തു വീണ ആബിദ ബീവിയുടെ ദേഹത്തും നെറ്റിയിലും കടിച്ചു. നിലവിളി കേട്ട് ഓടിയെത്തിയ പ്രദേശവാസികളാണ് ആബിദ ബീവിയെ രക്ഷിച്ചത് പ്രദേശവാസിയായ ബഷീറിനും തെരുവുനായയുടെ കടിയേറ്റു. കഴിഞ്ഞ ദിവസം ഇളമ്പഴന്നൂർ കിഴുത്തോണി പ്രദേശത്തും തെരുവ് നായയുടെ ആക്രമണം ഉണ്ടായി . വളർത്തു മൃഗങ്ങൾക്കു കടിയേറ്റിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.