പേര് ഹൈടെക് ! വെള്ളവും വൈദ്യുതിയും ഇല്ലാതെ അങ്കണവാടി

ചേകം∙ ഹൈടെക് അങ്കണവാടിയുടെ ഉദ്ഘാടനം നടത്തിയത് ഉത്സവാന്തരീക്ഷത്തിൽ. പക്ഷേ ഏഴു മാസം കഴിഞ്ഞിട്ടും വെള്ളവുമില്ല, വൈദ്യുതിയുമില്ല. പിറവന്തൂർ പഞ്ചായത്തിലെ ചേകം അങ്കണവാടിക്കാണ് ഈ ദുഃസ്ഥിതി.സമീപത്തെ വീടുകളിൽ നിന്നാണ് വെള്ളം ശേഖരിക്കുന്നത്. ആഹാരം ഉണ്ടാക്കുന്നതിനു പോലും സമീപത്തു നിന്നും വെള്ളമെത്തിക്കേണ്ട അവസ്ഥയാണ് . പരാതി പറഞ്ഞു മടുക്കുന്നതല്ലാതെ നടപടിയില്ലെന്നു നാട്ടുകാർ പറയുന്നു. കുട്ടികളെ അങ്കണവാടിയിലേക്ക് വിടിതിരിക്കാനാണോ അധികൃതരുടെ മൗനമെന്നാണ് നാട്ടുകാരുടെ ചോദ്യം.