നെടുങ്ങോലം മുതലക്കുളത്ത് പ്ലാസ്റ്റിക് മാലിന്യ കേന്ദ്രത്തിൽ വൻതീപിടിത്തം
Mail This Article
×
പരവൂർ∙മുനിസിലിപ്പാലിറ്റിയുടെ നെടുങ്ങോലം മുതലക്കുളത്തുള്ള പ്ലാസ്റ്റിക് മാലിന്യം ശേഖരിക്കുന്ന കേന്ദ്രത്തിൽ വീണ്ടും വൻതീപിടിത്തം. ഇന്നലെ രാത്രി 8.30നാണു തീപിടിത്തം ഉണ്ടായത്. മാലിന്യം ശേഖരിക്കുന്ന കെട്ടിടവും കത്തിയമർന്നു. പരവൂർ, കടപ്പാക്കട എന്നിവിടങ്ങളിൽ നിന്ന് 5 യൂണിറ്റ് അഗ്നിരക്ഷാ സേനാ യൂണിറ്റുകൾ എത്തി 2 മണിക്കൂറോളം ശ്രമിച്ചാണു കെടുത്തിയത്.
2 മാസത്തിനിടെ മൂന്നാം തവണയാണ് ഇവിടെ തീപിടിത്തം ഉണ്ടാകുന്നത്. എന്നാൽ, കാരണം എന്താണെന്ന് ഇതുവരെ അധികൃതർ വ്യക്തമായിട്ടില്ല. ഇവിടെ സാമൂഹിക വിരുദ്ധ ശല്യം ഉണ്ടെന്നും ആക്ഷേപമുണ്ട്. പ്ലാസ്റ്റിക് മാലിന്യങ്ങൾ കത്തിയതിനെ തുടർന്നു പരിസരത്തുള്ളവർക്ക് ശ്വാസതടസ്സം നേരിട്ടു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.