ആൺകുട്ടിയോട് ലൈംഗിക അതിക്രമം: യുവാവ് അറസ്റ്റിൽ

കൊട്ടിയം∙ പ്രായപൂർത്തിയാകാത്ത ആൺകുട്ടിയോട് ലൈംഗിക അതിക്രമം നടത്തിയ യുവാവിനെ കൊട്ടിയം പൊലീസ് അറസ്റ്റ് ചെയ്തു. പേരയം രാജു ഭവനിൽ ബൈജു(49)നെയാണ് അറസ്റ്റു ചെയ്തത്. കുട്ടിയുടെ അച്ഛനുമായി സൗഹൃദമുള്ള ബൈജു വീട്ടിൽ കുട്ടി മാത്രമുള്ളപ്പോൾ എത്തി  അതിക്രമം നടത്തുകയുമായിരുന്നു. കുട്ടി സുഹൃത്തുക്കളോടാണ് വിവരം ആദ്യം പറഞ്ഞത്.  സുഹൃത്തുക്കൾ വഴിയാണ് വീട്ടുകാർ വിവരം അറിഞ്ഞത്. കൊട്ടിയം ഇൻസ്പെക്ടർ വിപിന്റെ നേതൃത്വത്തിൽ എസ്ഐമാരായ നിഥിൻ നളൻ, ഗിരീഷ്, സിപിഒമാരായ സന്തോഷ് ലാൽ, പ്രശാന്ത് എന്നിവരടങ്ങുന്ന പൊലീസ് സംഘമാണ്   അറസ്റ്റ് ചെയ്തത്.