വന്ദേഭാരതിന് നേരെ കല്ലേറ്; ചില്ല് തകർന്നു

ഇരവിപുരം ∙ വന്ദേഭാരത് ട്രെയിനിനു നേരെയുണ്ടായ കല്ലേറിൽ ബി 6 കോച്ചിലെ ചില്ല് തകർന്നു. ഇരവിപുരത്തിനും കൊല്ലത്തിനും ഇടയിലാണു സംഭവം.ചില്ല് തകർന്ന ഭാഗത്ത് അമ്മയും കുഞ്ഞും ഇരിപ്പുണ്ടായിരുന്നെങ്കിലും ആർക്കും പരുക്കില്ല. ഇന്നലെ വൈകിട്ട് 4.45നാണു സംഭവം. തിരുവനന്തപുരത്തു നിന്നു കാസർകോടിനു പോയ ട്രെയിനിനു നേരെയാണു കല്ലെറിഞ്ഞത്.കൊല്ലത്തു നിന്നു റെയിൽവേ പൊലീസ്, ഇരവിപുരം പൊലീസ് എന്നിവർ എത്തി തെളിവുകൾ ശേഖരിച്ചു.