കുണ്ടറയിൽ പര്യടനം നടത്തി ജി.കൃഷ്ണകുമാർ

കൊല്ലം ∙ എൻഡിഎ സ്ഥാനാർഥി ജി.കൃഷ്ണകുമാർ കുണ്ടറ മണ്ഡലത്തിലെ നെടുമ്പന പഞ്ചായത്തിൽ പര്യടനം നടത്തി. അഖില കേരള തന്ത്രി മണ്ഡലം ജില്ലാ പ്രസിഡന്റും സനാതന ധർമ പരിഷത്ത് ചെയർമാനുമായ നല്ലില പെരിങ്ങോട്ട് മഠം ശങ്കരര് ശങ്കരര് ഭദ്ര ദാസര്, നല്ലില സെന്റ് ജോർജ് സുറിയാനി പള്ളി വികാരി മാത്യൂസ് കോർ എപ്പിസ്കോപ്പ എന്നിവരെ സന്ദർശിച്ചു. നെടുമ്പന സുബ്രഹ്മണ്യസ്വാമി ക്ഷേത്രത്തിലെത്തിയ സ്ഥാനാർഥിയെ ക്ഷേത്രം ഭാരവാഹികൾ സ്വീകരിച്ചു. കടപ്പാക്കടയിൽ നടന്ന ശിവസേന ജില്ലാ കൺവൻഷനിൽ പങ്കെടുത്ത സ്ഥാനാർഥിയെ ശിവസേന സംസ്ഥാന പ്രസിഡന്റ് പേരൂർക്കട ഹരികുമാർ സ്വീകരിച്ചു. പുനലൂർ, ഇരവിപുരം മണ്ഡലങ്ങളിൽ നടന്ന കൺവൻഷനുകളിലും ജി.കൃഷ്ണകുമാർ പങ്കെടുത്തു.