കിഴക്കൻ മേഖലയിൽ മഴ കുറഞ്ഞു; പടിഞ്ഞാറൻ മേഖലകളിൽ ആശങ്ക...
Mail This Article
കോട്ടയം ∙ കിഴക്കൻ മേഖലയിൽ മഴ കുറഞ്ഞെങ്കിൽ പടിഞ്ഞാറൻ മേഖല മുങ്ങുകയാണ്. താമസക്കാർ താഴ്ന്ന മേഖലകളിൽ നിന്നു സുരക്ഷിത സ്ഥാനങ്ങളിലേക്കു പലായനം ചെയ്യുന്നു. എസി കനാൽ കര കവിഞ്ഞു. ഉരുൾപൊട്ടലുണ്ടായ മേഖലകളിൽ ഇന്നലെ തെളിഞ്ഞ കാലാവസ്ഥയായിരുന്നു. വേങ്ങനാത്താനത്ത് മണ്ണിടിച്ചിലുണ്ടായി. വൈകിട്ട് ചില സ്ഥലങ്ങളിൽ മഴ തുടങ്ങി.
വീട് തകർന്നു
കടുത്തുരുത്തിയിൽ മണ്ണിടിഞ്ഞു 3 വീടുകൾ തകർന്നു. മീനച്ചിൽ, മണില, പമ്പ നദികൾ നിറഞ്ഞൊഴുകുന്നു. തീരദേശ മേഖലകളിൽ ആശങ്ക തുടരുന്നു. കുമരകം, വൈക്കം, കല്ലറ, വെച്ചൂർ, പേരൂർ, ചങ്ങനാശേരി മേഖലകളിൽ വെള്ളക്കെട്ട് രൂപപ്പെട്ടു. പാലായിൽ നിന്നു വെള്ളക്കെട്ട് പൂർണമായി ഇറങ്ങിയിട്ടില്ല. വ്യാപാര സ്ഥാപനങ്ങളിൽ നിന്നു പലരും സാധനങ്ങൾ മാറ്റി. താഴ്ന്ന മേഖലകളിൽ മീനച്ചിലാറിന്റെ തീരപ്രദേശങ്ങളിൽ വെള്ളം കയറി. വൈക്കം പ്രദേശത്തെ ഒട്ടേറെ വീടുകൾ വെള്ളത്തിലായി.