ഫോട്ടോയിൽ കണ്ടു, പക്ഷേ സ്ഥലത്തില്ല; ഈ സ്വർണമാല ആർക്കെങ്കിലും ലഭിച്ചോ, ഇവർ കാത്തിരിക്കുകയാണ്...

അരീപ്പറമ്പ് ∙ സൗഹൃദ കൂട്ടായ്മയ്ക്കിടയിൽ നഷ്ടപ്പെട്ട സ്വർണമാല ആർക്കെങ്കിലും ലഭിച്ചിട്ടുണ്ടാകുമോ? കുരിശു സഹിതമുള്ള, മുക്കാൽ പവൻ തൂക്കം വരുന്ന മാല ലഭിച്ചിട്ടുണ്ടെങ്കിൽ തിരികെ നൽകുമെന്ന പ്രതീക്ഷയിൽ ഇവർ കാത്തിരിക്കുകയാണ്. ചിത്രത്തിൽ കാണുന്ന ഈ സ്വർണമാല കഴിഞ്ഞ ദിവസം അരീപ്പറമ്പ് സ്കൂളിനു സമീപത്താണ് നഷ്ടപ്പെട്ടത്. മാല നഷ്ടപ്പെട്ടതെവിടെയെന്ന് അറിഞ്ഞതിനു കാരണമായതും ഈ ചിത്രമാണ്. സഹപാഠികളായ കൂട്ടുകാരികൾ ഒത്തുചേർന്നു.

വീട്ടിലെത്തിയപ്പോഴാണ് ഒരാൾ മാല നഷ്ടപ്പെട്ട വിവരം അറിഞ്ഞത്. സഞ്ചരിച്ച വഴിയിലെല്ലാം യാത്ര ചെയ്തു നോക്കിയെങ്കിലും മാല ലഭിച്ചില്ല. ഒത്തുചേരലിന്റെ ചിത്രം എടുത്തു നോക്കിയപ്പോഴാണ് സ്വർണമാല താഴെ വീണു കിടക്കുന്നതായി കണ്ടെത്തിയത്. പൊലീസിൽ പരാതി നൽകിയിരുന്നു. വഴിയാത്രക്കാരിൽ ആർക്കെങ്കിലും മാല ലഭിച്ചു കാണുമെന്നു കരുതുന്നു.  മാല ലഭിച്ചവർ ബന്ധപ്പെടേണ്ട നമ്പർ.– 9446821193.