മഴ നനയാതിരിക്കാൻ കയറി നിന്നു, പെൺകുട്ടിയോട് മോശം പെരുമാറ്റം: മത്സ്യ വ്യാപാരി പിടിയിൽ
Mail This Article
×
മണിമല ∙ മഴ നനയാതിരിക്കാൻ കയറി നിന്ന വീട്ടിലെ പെൺകുട്ടിയോടു മോശമായി സംസാരിച്ച മീൻകച്ചവടക്കാരനെ പൊലീസ് പിടികൂടി. മണിമല വള്ളൻചിറ സ്വദേശി സലീമിനെയാണ്(55) മണിമല പൊലീസ് പിടികൂടിയത്. ഇന്നലെ രാവിലെയാണ് സംഭവം. പതിവായി ബൈക്കിൽ മീൻ വിൽപനയ്ക്ക് എത്തുന്ന സലീം മഴയെത്തുടർന്ന് വെള്ളാവൂർ പഞ്ചായത്തിലെ ഒരു വീട്ടിൽ കയറി നിന്നു.
ഇതേ വീട്ടിലെ പ്രായപൂർത്തിയാകാത്ത പെൺകുട്ടിയോടാണ് ഇയാൾ അശ്ലീലം പറഞ്ഞത്. സ്ഥലത്തു നിന്നു കടന്നുകളഞ്ഞ ഇയാൾക്കെതിരെ പെൺകുട്ടിയും രക്ഷിതാക്കളും പൊലീസിൽ പരാതി നൽകുകയായിരുന്നു. പോക്സോ നിയമ പ്രകാരം കേസെടുത്തതായി പൊലീസ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
