സേവാ ഭാരതിയുടെ 20 വീടുകൾ:ശിലാസ്ഥാപനം നടത്തി
Mail This Article
മുണ്ടക്കയം∙ കൂട്ടിക്കൽ, കൊക്കയാർ, മുണ്ടക്കയം, പെരുവന്താനം മേഖലകളിൽ പ്രളയത്തിൽ വീട് നഷ്ടമായ ആളുകൾക്ക് സേവാ ഭാരതി 20 വീടുകൾ നിർമിച്ചു നൽകുന്ന പദ്ധതിക്കു തുടക്കമായി. കൊക്കയാർ പഞ്ചായത്തിലെ കനകപുരം വാർഡിൽ ആദ്യ വീടിന്റെ ശിലാസ്ഥാപനം സ്വയം സേവകസംഘം സംസ്ഥാന സേവാ പ്രമുഖ് എം.സി.വത്സൻ നിർവഹിച്ചു. കെ.ബി.ശ്രീകുമാർ, ടി.എസ്.നാരായണൻ, ബിജെപി മധ്യമേഖല പ്രസിഡന്റ് എൻ.ഹരി, കെ.വി.രാജീവ്, കെ.ജി.സജീവ്, ആർ.രാജേഷ്, വി.ആർ.രതീഷ്,കെ.ജി.രാജേഷ്, ഡി.പ്രസാദ്, ജെ.ദിനേശ്, രണരാജ്, ബി.അരുൺ, ഷീബാ രാജു എന്നിവർ പ്രസംഗിച്ചു.
പ്രളയ പുനരധിവാസ ഭാഗമായി ശുചീകരണം, ദുരിതാശ്വാസം തുടങ്ങിയ പ്രവർത്തനങ്ങളിൽ 3800 പ്രവർത്തകർ പങ്കാളികളായി. മൂന്നു പാലങ്ങൾ നിർമിക്കുകയും 800 വീടുകളും 450 സ്ഥാപനങ്ങളും ശുചീകരിക്കുകയും ചെയ്തു. 7 കുടുംബങ്ങൾക്ക് മരണാനന്തര സഹായം നൽകി. ഭാഗികമായി വീട് നശിച്ച സ്ഥലങ്ങളിൽ നിർമാണ പ്രവർത്തനങ്ങൾ പുരോഗമിക്കുകയാണ്.