ഇതുവരെ മാലിന്യക്കൂമ്പാരം; ഇന്നലെ മുതൽ പൂന്തോട്ടം
Mail This Article
കൂത്രപ്പള്ളി ∙ സെന്റ് മേരീസ് സ്കൂളിനോട് ചേർന്നുള്ള ഇത്തിരിപ്പോന്ന സ്ഥലം കഴിഞ്ഞ ദിവസം വരെ മാലിന്യക്കൂമ്പാരമായിരുന്നു. ഇന്നലെ മുതൽ അതൊരു പൂന്തോട്ടമായി. മാലിന്യമെല്ലാം നീക്കം ചെയ്ത് ചെടികൾ നട്ട് സ്കൂളിന്റെ സമീപത്തെ സ്ഥലം ഹരിതാഭമായി.
കറുകച്ചാൽ പഞ്ചായത്ത് 12–ാം വാർഡിൽ കൂത്രപ്പള്ളി - തട്ടാരടി - പച്ചിലമാക്കൽ റോഡ് മഴക്കാല ശുചീകരണത്തിന്റെ ഭാഗമായി തട്ടാരടി ജനശ്രീ യൂണിറ്റ്, ഐശ്വര്യ വെൽഫെയർ അസോസിയേഷൻ, മരിയൻ സ്വാശ്രയ സംഘം, പ്രദേശവാസികൾ എന്നിവ ചേർന്നു ശുചീകരിച്ചു. കൂത്രപ്പള്ളി സെന്റ് മേരീസ് സ്കൂളിനോട് ചേർന്നുള്ള റോഡരികിലെ എംസിഎഫിന് ചേർന്നു സാമൂഹിക വിരുദ്ധർ തള്ളിയ മാലിന്യം നീക്കം ചെയ്തു.
"രണ്ടു ലോറിയിൽ കയറ്റാനുള്ള മാലിന്യം ഇവിടെ നിന്നു നീക്കം ചെയ്തു. കൂത്രപ്പള്ളി സെന്റ് മേരീസ് പള്ളി പരിസരം, കൂത്രപ്പള്ളി - തട്ടാരടി റോഡരിക് എന്നിവിടങ്ങളും ശുചീകരിച്ചു."- രാജൻ തോമസ് തട്ടാരടി, 12–ാം വാർഡംഗം