യുവാവിനെ കുത്തിക്കൊലപ്പെടുത്താൻ ശ്രമം: 6 പേർ പിടിയിൽ

ചങ്ങനാശേരി ∙ യുവാവിനെ കുത്തിക്കൊലപ്പെടുത്താൻ ശ്രമിച്ച കേസിൽ 6 പേർ പൊലീസ് പിടിയിലായി. ഫാത്തിമാപുരം പാറേൽ കോളനി ഭാഗത്ത് വെട്ടുകുഴിയിൽ സിജോ സെബാസ്റ്റ്യൻ (സിജോണി–28), തൃക്കൊടിത്താനം ആലുമൂട്ടിൽ നിധിൻ ജോസഫ് (35), ഫാത്തിമാപുരം കോളനിഭാഗം പാറയിൽ അജേഷ് പി.ദാമോദരൻ (31), ഫാത്തിമാപുരം കുന്നേക്കാട് ഭാഗത്ത് മലയിൽ പുതുപ്പറമ്പ് സച്ചു കുശൻ (28), ഫാത്തിമാപുരം കോളനിഭാഗം പാറയിൽ ബെസ്റ്റിൻ ജോളിച്ചൻ (24), കറുകച്ചാൽ കുരിശടി ഭാഗത്ത് ആര്യൻകാല പുതുപ്പറമ്പിൽ ജെ.ജയിത്ത്കുമാർ (കണ്ണൻ –29) എന്നിവരെയാണ് അറസ്റ്റ് ചെയ്തത്. 

തൃക്കൊടിത്താനം അരമനക്കുന്ന് സ്വദേശി മുഹമ്മദ് അഫ്സലിനെ കൊലപ്പെടുത്താൻ ശ്രമിച്ചെന്നാണു കേസ്. അഫ്സൽ കാർ വാടകയ്ക്ക് എടുത്തതുമായി ബന്ധപ്പെട്ടുണ്ടായ തർക്കമാണ് കാരണമെന്നു പൊലീസ് പറഞ്ഞു. എസ്എച്ച്ഒ റിച്ചഡ് വർഗീസ്, എസ്ഐമാരായ ജയകൃഷ്ണൻ, ആർ.സുനിൽ, എഎസ്ഐ സിജു കെ.സൈമൺ, സിപിഒമാരായ അനിൽ പി.കുമാർ, തോമസ് സ്റ്റാൻലി, ജയ്മോൻ എന്നിവരടങ്ങിയ സംഘമാണു പ്രതികളെ പിടികൂടിയത്.