ഫുട്ബോൾ കഴിഞ്ഞാൽ ഇഷ്ടം വോളിയോട്: വുക്കൊമനോവിച്
Mail This Article
പാലാ ∙ ഹൃദയങ്ങൾ കീഴടക്കി ആശാനും പിള്ളേരും പാലായിലെത്തി. കേരള ബ്ലാസ്റ്റേഴ്സ് ഫുട്ബോൾ ടീമിന്റെ മുഖ്യ പരിശീലകൻ ഇവാൻ വുക്കൊമനോവിച്ചും കളിക്കാരായ ദിമിത്രിയോസ് ഡയമന്റകോസും നിഹാൽ സുധീഷുമാണ് സെന്റ് തോമസ് കോളജിലെത്തിയത്. പ്രിയതാരങ്ങളെ കണ്ട് വിദ്യാർഥികൾ ആർത്തിരമ്പി. പ്രൈം വോളി ലീഗ് ടീമായ കൊച്ചി ബ്ലൂ സ്പൈക്കേഴ്സും സെന്റ് തോമസ് കോളജും ചേർന്നു നടത്തുന്ന ഫ്യൂച്ചർ സ്പൈക്കേഴ്സ് ഓൾ കേരള ഇന്റർ കൊളീജിയറ്റ് വോളിബോൾ ടൂർണമെന്റ് വേദിയിലേക്കാണു ബ്ലാസ്റ്റേഴ്സ് കോച്ചും താരങ്ങളുമെത്തിയത്.
കേരളത്തെ ഏറെ സ്നേഹിക്കുന്നുണ്ടെന്നും കേരളം തന്റെ വീട് പോലെയാണെന്നും വുക്കൊമനോവിച്ച് പറഞ്ഞു. ഫുട്ബോൾ കഴിഞ്ഞാൽ തനിക്ക് ഏറ്റവുമധികം ഇഷ്ടമുള്ള കായികയിനം വോളിബോൾ ആണ്. തന്റെ രാജ്യമായ സെർബിയയിൽ വോളിബോൾ പ്രശസ്തമായ കായിക ഇനമാണെന്നും അദ്ദേഹം പറഞ്ഞു.
അസംപ്ഷൻ ഫൈനലിൽ
പാലാ ∙ ടൂർണമെന്റിൽ പുരുഷ വിഭാഗത്തിൽ തേവര എസ്എച്ച് കോളജ് സെമിയിൽ കടന്നു. കോഴിക്കോട് ദേവഗിരി സെന്റ് ജോസഫ്സ് കോളജിനെ തോൽപിച്ചു (19-25, 25-22, 25-12, 25-19). വനിതാ വിഭാഗത്തിൽ ആലുവ സെന്റ് സേവ്യേഴ്സിനെ മറികടന്ന് ചങ്ങനാശേരി അസംപ്ഷൻ കോളജ് ഫൈനലിലെത്തി (25-14, 25-16, 25-15)