വരൂ, വായനയിലേക്കുള്ള സൗജന്യ ടിക്കറ്റ് ഈ കുട്ടികൾ തരും
Mail This Article
ഈരാറ്റുപേട്ട∙ കെഎസ്ആർടിസി സ്റ്റാൻഡിൽ ഒരുവേള ബഷീറിന്റെ ‘ബാല്യകാലസഖി’യും ബെന്യാമിന്റെ ‘ആടുജീവിത’വും മുഴങ്ങിയതോടെ യാത്രക്കാരും കഥകളുടെ ലോകത്തായി. വായനദിനത്തിൽ അൽമനാർ സീനിയർ സെക്കൻഡറി സ്കൂളിലെ വിദ്യാർഥികൾ കഥകൾ ഉറക്കെ വായിച്ചപ്പോൾ യാത്രക്കാർ കൗതുകം കൂറിയ കണ്ണുകളോടെ ചുറ്റും കൂടി.
കൊച്ചുകൊച്ചു ചോദ്യങ്ങളിലൂടെ അവർ മത്സരങ്ങളും നടത്തി. വിദ്യാർഥികളുടെ വേറിട്ട പരിപാടിയിൽ യാത്രക്കാരും പങ്കുചേർന്നു. വ്യത്യസ്ത പരിപാടികളുമായി സ്റ്റാൻഡിൽ നാട്ടുകാർക്ക് ഒപ്പമാണ് സ്കൂളിന്റെ വായന വാരാചരണം.നഗരസഭാധ്യക്ഷ സുഹറ അബ്ദുൽ ഖാദർ ഉദ്ഘാടനം ചെയ്തു.
പ്രിൻസിപ്പൽ സുഹൈൽ ഫരീദ് അധ്യക്ഷത വഹിച്ചു കെഎസ്ആർടിസി കൺട്രോളിങ് ഓഫിസർ മാത്തുക്കുട്ടി, സ്കൂൾ വൈസ് ചെയർമാൻ കെ.കെ.എം.സാദിഖ്, പിടിഎ പ്രസിഡന്റ് അൻവർ അലിയാർ,മദർ പിടിഎ പ്രസിഡന്റ് റസീന ജാഫർ,വിദ്യാർഥികളായ ഫാത്തിമ ഹക്കീം, ഹിബ എന്നിവർ പ്രസംഗിച്ചു.
