ഏറ്റുമാനൂർ∙ അർച്ചന വിമൻസ് സെന്ററിന്റെ ആഭിമുഖ്യത്തിൽ ഗാന്ധിജയന്തി ദിനം ആചരിക്കുന്നു. കഴിഞ്ഞ രണ്ടു പതിറ്റാണ്ടുകളായി സ്ത്രീശാക്തീകരണ രംഗത്ത് തനതായ വ്യക്തിമുദ്ര പതിപ്പിച്ചു ഏറ്റുമാനൂർ കേന്ദ്രമാക്കി പ്രവർത്തിക്കുന്ന സാമൂഹിക പ്രവർത്തന സ്ഥാപനമാണ് അർച്ചന വിമൻസ് സെന്റർ. ഒക്ടോബർ രണ്ടിന് അർച്ചനയുടെ 50 ഓളം വനിതാ വോളണ്ടിയർമാർ കെഎസ്ആർടിസി കോട്ടയം ഡിപ്പോയിലുള്ള ബസ്സുകൾ കഴുകിയും, പരിസരം വൃത്തിയാക്കിയും ഗാന്ധിജയന്തി ദിനം ആചരിക്കുമെന്ന് അർച്ചന വിമൻസ് സെന്റർ സ്ഥാപക ഡയറക്ടർ മിസ് ത്രേസ്യാമ മാത്യു അറിയിച്ചു.