ജി.ഉണ്ണിക്കൃഷ്ണന്റെ ചിത്രങ്ങളുടെ പ്രദർശനം ഇടം ആർട് ഗാലറിയിൽ
Mail This Article
ഏറ്റുമാനൂർ∙ അന്തരിച്ച പ്രസിദ്ധ ചിത്രകാരനും മാവേലിക്കര ഗവ.രാജാ രവിവർമ കോളജ് ഓഫ് ഫൈൻ ആർട്സ് ചിത്രകലാ വിഭാഗം മേധാവിയുമായിരുന്ന ജി.ഉണ്ണിക്കൃഷ്ണന്റെ ചിത്രങ്ങളുടെ പ്രദർശനം ‘കാഴ്ചയുടെ രസവിദ്യ’ ഇടം ആർട് ഗാലറിയിൽ ആരംഭിച്ചു. രാജാ രവിവർമ കോളജ് ഓഫ് ഫൈൻ ആർട്സ് പ്രിൻസിപ്പൽ മനോജ് വയലൂർ ഉദ്ഘാടനം ചെയ്തു. ആർ.പാർഥസാരഥി വർമ അധ്യക്ഷത വഹിച്ചു. ആർട്ടിസ്റ്റ് സി.സി.അശോകൻ,ജി.ഉണ്ണിക്കൃഷ്ണന്റെ ഭാര്യ രാധാമണി, ഇ.ജെ.റോയിച്ചൻ, ബൈജു നീണ്ടൂർ, ടി.എസ്.പ്രസാദ്, ഷാജി പല്ലാട്ട്, മനോജ് അയ്മനം തുടങ്ങിയവർ പ്രസംഗിച്ചു. നിറക്കൂട്ടുകൾ കൊണ്ടു പ്രകൃതിയെയും ജീവിത യാഥാർഥ്യങ്ങളെയും വരച്ചിട്ട ജി.ഉണ്ണിക്കൃഷ്ണന്റെ ചിത്രങ്ങളുടെ പ്രദർശനം കാണാൻ ഒട്ടേറെ പേരാണ് എത്തുന്നത്. കാലത്തിനപ്പുറത്തേക്കു ചിന്തിപ്പിക്കുന്ന അദ്ദേഹത്തിന്റെ ചിത്രങ്ങളുടെ അപൂർവ ശേഖരമാണു പ്രദർശനത്തിനായി ഒരുക്കിയിരിക്കുന്നത്.