ജില്ലയിലെ ആദ്യ തുരങ്കപ്പാത യാഥാർഥ്യമാകുന്നു; മെഡിക്കൽ കോളജിലെ അടിപ്പാതയുടെ നിർമാണോദ്ഘാടനം 11ന്

ഏറ്റുമാനൂർ ∙ കോട്ടയം മെഡിക്കൽ കോളജ് ആശുപത്രിക്കു സമീപം നിർമിക്കുന്ന ജില്ലയിലെ ആദ്യ തുരങ്കപ്പാതയുടെ നിർമാണോദ്ഘാടനം 11നു നടക്കുമെന്ന് മന്ത്രി വി.എൻ.വാസവൻ പറഞ്ഞു. മെഡിക്കൽ കോളജിലെത്തുന്ന രോഗികൾക്കും സന്ദർശകർക്കും ജീവനക്കാർക്കുമെല്ലാം റോഡ് മുറിച്ചു കടക്കുവാൻ സുരക്ഷിതമായൊരു മാർഗം എന്ന നിലയിലാണ് തുരങ്കപ്പാത നിർമിക്കുന്നത്. 

ആശുപത്രിയുടെ പ്രധാന പ്രവേശന കവാടത്തിനും പിഎംആർ ബിൽഡിങ്ങിനും ഇടയിലുള്ള പത്തടി താഴ്ചയുള്ള ഭാഗത്താണ് അടിപ്പാതയുടെ തുടക്കം. റോഡിന് അടിയിലൂടെ പ്രൈവറ്റ് ബസ് സ്റ്റ‌ാൻഡിന്റെ പിൻവശത്ത് അവസാനിക്കും. മന്ത്രി വി.എൻ.വാസവൻ, ആശുപത്രി സൂപ്രണ്ട് ഡോ. ടി.കെ.ജയകുമാർ എന്നിവരുടേതാണ് ആശയം.