കോട്ടയം ജില്ലയിൽ ഇന്ന് (20-04-2024); അറിയാൻ, ഓർക്കാൻ

വൈദ്യുതി മുടക്കം
പൈക ∙ മലേക്കാവ്, പന്തത്തല ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 12 വരെ വൈദ്യുതി മുടങ്ങും.
ഈരാറ്റുപേട്ട ∙ അരുവിത്തുറ കോളജ്, കൊണ്ടൂർ ക്രീപ്മിൽ, വിക്ടറി ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 3 വരെ വൈദ്യുതി മുടങ്ങും.
പാലാ ∙ ആണ്ടൂർ കവല, കുരുവിനാൽ, മുത്തോലി ബിഎസ്എൻഎൽ കവല ട്രാൻസ്ഫോമറുകളുടെ പരിധിയിൽ ഇന്ന് 8 മുതൽ 5 വരെ വൈദ്യുതി മുടങ്ങും.

ഇന്നു മുതൽ  22 വരെജല വിതരണം മുടങ്ങും
കടുത്തുരുത്തി ∙ തലയോലപ്പറമ്പ് - കൂത്താട്ടുകുളം റോഡിൽ 315 എം.എം. പിവിസി ഗ്രാവിറ്റി ലൈനിൽ അറ്റകുറ്റ പണി നടക്കുന്നതിനാൽ ഇന്നു മുതൽ 22 വരെ കടുത്തുരുത്തി സബ് ഡിവിഷൻ പരിധിയിലുള്ള ഞീഴൂർ,കടുത്തുരുത്തി, കല്ലറ പഞ്ചായത്തുകളിൽ ജല വിതരണം മുടങ്ങുമെന്ന് ജലഅതോറിറ്റി അധികൃതർ അറിയിച്ചു.

പെയിന്റിങ് മത്സരം
കോട്ടയം ∙ ഗവ. വെറ്ററിനറി ഓഫിസേഴ്സ് അസോസിയേഷൻ (കെജിവിഒഎ) വേൾഡ് വെറ്ററിനറി ദിനാചരണത്തിൽ നാളെ രാവിലെ 10ന് വിദ്യാർഥികൾക്കായി  പെയിന്റിങ് മത്സരം നടത്തും. എംഡി സെമിനാരി ഹയർ സെക്കൻഡറി സ്കൂൾ ഓഡിറ്റോറിയത്തിൽ എൽപി, യുപി ഹൈസ്കൂൾ വിഭാഗങ്ങളിലായാണ് മത്സരം. ഫോൺ: 9495945234, 9447259272

അധ്യാപക ഒഴിവ്
മാന്നാനം ∙ കെഇ കോളജ് സ്വാശ്രയ വിഭാഗത്തിൽ സൈക്കോളജി, കണക്ക് വിഷയങ്ങൾക്ക് അധ്യാപക ഒഴിവുണ്ട്. താൽപര്യമുള്ളവർ മേയ് 30ന് മുൻപ് അപേക്ഷിക്കണം. നെറ്റ് പാസായവർക്ക് മുൻഗണന.ഇ–മെയിൽ. jhobu@yahoo.co.in. ഫോൺ: 9496546707

ഗേറ്റ് 23 ന് അടച്ചിടും
കോട്ടയം ∙ അറ്റകുറ്റപ്പണികൾക്കായി കുറുപ്പന്തറ റെയിൽവേ സ്റ്റേഷൻ യാർഡ് ഗേറ്റ് 23 ന് രാവിലെ 8 മുതൽ വൈകിട്ട് 8 വരെ അടച്ചിടും.