കാറുകൾ കൂട്ടിയിടിച്ച് 2 പേർക്ക് പരുക്ക്

മുണ്ടക്കയം ∙ ബൈപാസിൽ വീണ്ടും അപകടം. കാറുകൾ കൂട്ടിയിടിച്ച് 2 പേർക്കു പരുക്ക്. ഇന്നലെ ഉച്ചകഴിഞ്ഞ് രണ്ടോടെയാണു സംഭവം. ഇരുദിശകളിലായി വന്ന കാറുകൾ നിയന്ത്രണം വിട്ട് ഇടിക്കുകയായിരുന്നു. 3 ദിവസത്തിനിടെ സംഭവിക്കുന്ന രണ്ടാമത്തെ അപകടമാണിത്.കഴിഞ്ഞ ദിവസം അമിതവേഗത്തിലെത്തിയ കാർ പിക്കപ് വാനിലും ഓട്ടോയിലും ഇടിച്ച് 5 പേർക്കു പരുക്കേറ്റിരുന്നു.

വാഹനങ്ങളുടെ അമിതവേഗമാണ് അപകടങ്ങൾക്കു കാരണം. വേഗം നിയന്ത്രിക്കാൻ നടപടി സ്വീകരിക്കാത്തതു സംബന്ധിച്ച് ഇന്നലെ മനോരമ റിപ്പോർട്ട് ചെയ്തിരുന്നു. വേഗം നിയന്ത്രിക്കാൻ ഹംപുകൾ, ഡിവൈഡറുകൾ, ക്യാമറകൾ ഇവയിൽ ഏതെങ്കിലും സ്ഥാപിക്കാൻ നടപടി വേണമെന്നാണു നാട്ടുകാരുടെ ആവശ്യം.