ആൾക്കൂട്ട മർദനം; 3 എസ്ഡിപിഐക്കാർ കൂടിപിടിയിൽ

ബാലുശ്ശേരി ∙ ഡിവൈഎഫ്ഐ തൃക്കുറ്റിശ്ശേരി നോർത്ത് യൂണിറ്റ് സെക്രട്ടറി ജിഷ്ണു രാജിനെ പാലോളിയിൽ വച്ച് ആൾക്കൂട്ട വിചാരണ നടത്തി വധിക്കാൻ ശ്രമിച്ച കേസി‍ൽ 3 പേർ കൂടി പിടിയിൽ. പാലോളി പെരിഞ്ചേരി റംഷാദ് (35), ചാത്തങ്കോത്ത് ജുനൈദ് (28), ചാത്തങ്കോത്ത് സുൽഫി (28) എന്നിവരാണ് അറസ്റ്റിലായത്.  3 പേരും എസ്ഡിപിഐ പ്രവർത്തകരാണെന്ന് പൊലീസ് പറഞ്ഞു. നേരത്തെ അറസ്റ്റിലായ 6 പേർ റിമാൻഡിലാണ്. എഫ്ഐആറിൽ ഉൾപ്പെടുത്തിയ 9 പേർ അടക്കം 29 പേരെയാണ് പൊലീസ് പ്രതി ചേർത്തിട്ടുള്ളത്. എസ്ഡിപിഐ സ്ഥാപിച്ച ബോർഡ് കീറി എന്നാരോപിച്ചാണ് ജിഷ്ണു രാജിനെ മർദിച്ചത്. ജിഷ്ണു രാജ് ആശുപത്രിയിൽ ചികിത്സയിലാണ്.