മലയോര മേഖലയിൽ എക്സൈസ് പരിശോധന

തലയാട് ∙ ക്രിസ്മസ് പുതുവത്സര ആഘോഷങ്ങൾക്ക് മുന്നോടിയായി മലയോര മേഖലയിൽ എക്സൈസ് പരിശോധന കർശനമാക്കി. താമരശ്ശേരി റേഞ്ച് എക്സൈസ് സംഘം തലയാട്, വയലട ഭാഗങ്ങളിൽ നടത്തിയ പരിശോധനയിൽ 10 ലീറ്റർ ചാരായവുമായി യുവാവിനെ പിടികൂടി.

കാന്തലാട് സർഗ വളവിൽ കണ്ണന്നൂർ കിഴക്കയിൽ അഗൽ (26) ആണ് പിടിയിലായത്.  പ്രിവന്റീവ് ഓഫിസർ എം.പ്രവേശിന്റെ നേതൃത്വത്തിൽ നടത്തിയ പരിശോധനയിൽ സിവിൽ ഓഫിസർമാരായ ടി.വി.നൗഷീർ, ഷിംല, ഡ്രൈവർ ഷിതിൻ എന്നിവർ പങ്കെടുത്തു. കരിഞ്ചോല മലയിൽ വനമേഖലയിൽ നടത്തിയ പരിശോധനയിൽ 800 ലീറ്റർ വാഷ് പിടികൂടി നശിപ്പിച്ചു. അസി. എക്സൈസ് ഇൻസ്പെക്ടർ സി.സന്തോഷ് കുമാർ, പ്രിവന്റീവ് ഓഫിസർമാരായ ചന്ദ്രൻ കുഴിച്ചാലിൽ, കെ.സുജീഷ്, എം.കെ.പ്രബിത് ലാൽ എന്നിവർ പങ്കെടുത്തു.