കാറ്റിലും മഴയിലും വീട് തകർന്ന് വീട്ടമ്മയ്ക്കു പരുക്ക്

ബാലുശ്ശേരി ∙ പനങ്ങാട് പഞ്ചായത്തിലെ തോരാട്മലയിൽ സരോജിനി അമ്മയുടെ വീട് കാറ്റിലും മഴയിലും തകർന്നു. ഓടിട്ട മേൽക്കൂര തകർന്നു വീണ് സരോജിനി അമ്മയ്ക്ക് (78) തലയ്ക്കും മുഖത്തും പരുക്കേറ്റു. ഗവ. ആശുപത്രിയിൽ ചികിത്സ തേടി. തലയ്ക്ക് 5 തുന്നിക്കെട്ടുകൾ ഉണ്ട്. നന്മണ്ട അമ്പലപ്പൊയിലിൽ തെങ്ങ് വീണ് 11 കെവി ലൈൻ തകർന്നു. നന്മണ്ട, ചീക്കിലോട്, കുട്ടമ്പൂർ മേഖലകളിൽ മരങ്ങൾ വീണ് വൈദ്യുതി ലൈനുകൾ തകർന്നു. കോന്നങ്കണ്ടി അഷ്റഫിന്റെ വീടിന്റെ മുകളിൽ വൈദ്യുതി തൂൺ വീണു.