കൃഷിഭൂമിയിൽ തീപിടിത്തം

നാദാപുരം∙ ചെക്യാട് അരീക്കരക്കുന്ന് ബിഎസ്എഫ് പരിശീലന കേന്ദ്രത്തിനു താഴ്ഭാഗത്ത് കൃഷിഭൂമിയിൽ ഇന്നലെ നട്ടുച്ചയ്ക്ക് തീപിടിത്തം. അടിക്കാടിനു ആരോ തീയിട്ടതാണെന്നാണു കരുതുന്നത്. സൈനികരും നാട്ടുകാരും ചേലക്കാട്ടു നിന്ന് എത്തിയ അഗ്നിരക്ഷാ സേനയും ചേർന്നു തീ അണച്ചു. കൊടും ചൂടിൽ ഉണങ്ങി നിൽക്കുന്ന അടിക്കാടുകളിലേക്കാണ് തീ പടർന്നത്.

അന്ത്യേരി ഭാഗത്തു  തീ പിടിച്ച ഉടൻ ബിഎസ്എഫ് കേന്ദ്രത്തിൽ നിന്ന് നൂറോളം സൈനികരാണ് തീ അണയ്ക്കാൻ എത്തിയത്. ബിഎസ്എഫ് ഓഫിസർമാരായ ഹർദൻ ചരൺ, ഡിസി രാജേഷ്കുമാർ,  ഇൻസ്പെക്ടർമാരായ കെ.രമേശൻ, രാജു സാമുവൽ, മാത്യു വർഗീസ് എന്നിവരും  ഫയർ അസി.സ്റ്റേഷൻ ഓഫിസർ കെ.എം.ഷമേജ്കുമാർ, റസ്ക്യു ഓഫിസർമാരായ ഒ.അനീഷ്, എം.അനീഷ്, മനോജ് കിഴക്കേക്കര, അരുൺപ്രസാദ് എന്നിവരും നേതൃത്വം നൽകി.