പച്ചത്തേങ്ങ സംഭരണത്തിൽ റെക്കോർഡിട്ട് മലപ്പുറം

മലപ്പുറം∙ കേരഫെഡിന്റെ പച്ചത്തേങ്ങ സംഭരണം ജില്ലയിൽ റെക്കോർഡിട്ടു മുന്നേറുന്നു. ഇന്നലെ 12 കേന്ദ്രങ്ങളിലായി 18 ലക്ഷത്തോളം രൂപയുടെ തേങ്ങയാണു സംഭരിച്ചത്; 54.48 ടൺ. ഒറ്റ ദിവസത്തെ റെക്കോർഡാണിത്.  189 കർഷകരാണ് ഇന്നലെ വിവിധ കേന്ദ്രങ്ങളിൽ തേങ്ങയെത്തിച്ചത്. കൂരാടാണ് ഏറ്റവും കൂടുതൽ സംഭരിച്ചത്;  5.593 ടൺ. ഇന്നലെ സംഭരണം തുടങ്ങിയ കീഴുപറമ്പാണ് ഏറ്റവും പിന്നിൽ. 2 കർഷകരിൽ നിന്നായി 640 കിലോയാണ് ഇവിടെ സംഭരിച്ചത്. പണം കർഷകരുടെ അക്കൗണ്ടുകളിലേക്കു നൽകിത്തുടങ്ങി.