സംഭരണകേന്ദ്രത്തിനു സമീപം മാലിന്യം വലിച്ചെറിയുന്നു
Mail This Article
×
വളാഞ്ചേരി ∙ മാലിന്യ ശേഖരണത്തിനു നഗരസഭയിലെ ഹരിത കർമസേന കൊട്ടാരം റോഡിനു സമീപം സ്ഥാപിച്ച എംസിഎഫിനു ചുറ്റും പ്ലാസ്റ്റിക് മാലിന്യം അടക്കമുള്ളവ ചിതറിക്കിടക്കുന്നതായി പരാതി. പുറത്തുനിന്നുള്ളവർ മാലിന്യം ചാക്കുകളിലാക്കി സംഭരണകേന്ദ്രത്തിന്റെ പരിസരത്ത് തള്ളുകയാണെന്ന ആക്ഷേപമാണ് ഉയർന്നിട്ടുള്ളത്. മഴയിൽ ഇവയുടെ അവശിഷ്ടങ്ങൾ റോഡിലേക്ക് ചിതറുന്നതും ആശങ്കയുണ്ടാക്കുന്നു. ആഴ്ചകൾക്കു മുൻപ് കുറ്റിപ്പുറം റോഡിൽ ഓണിയിൽ പാലത്തിനു സമീപമുള്ള എംസിഎഫിനു ചുറ്റും ഇതേ രീതിയിൽ മാലിന്യം തള്ളിയിരുന്നു. നഗരസഭയിലെ ആരോഗ്യ വകുപ്പു വിഭാഗം പരിശോധനയ്ക്കെത്തി മാലിന്യം തള്ളിയവരെ കണ്ടെത്തി താക്കീതും നൽകിയിരുന്നു. പിഴയും ഈടാക്കിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.