സഹോദരിയുടെ മകളുടെ ഭർത്താവിനെ വധിക്കാൻ ശ്രമിച്ച കേസിൽ അറസ്റ്റ്

പൊന്നാനി ∙ പ്രണയിച്ച് വിവാഹം കഴിച്ചതിന് സഹോദരിയുടെ മകളുടെ ഭർത്താവിനെ വധിക്കാൻ ശ്രമിച്ച കേസിൽ പ്രതി അറസ്റ്റിൽ. പൊന്നാനി അഴീക്കൽ സ്വദേശി ഹംസത്താണ് പിടിയിലായത്. വിവിധ കേസുകളിൽ പ്രതിയാണ് ഹംസത്ത്. ഹംസത്തിന്റെ സഹോദരിയുടെ മകൾ പൊന്നാനി സ്വദേശിയായ യുവാവിനെ പ്രണയിച്ച് വിവാഹം കഴിച്ചതിനു പിന്നാലെയുണ്ടായ കുടുംബ പ്രശ്നമാണ് വധശ്രമത്തിലേക്കെത്തിയതെന്ന് പൊലീസ് പറഞ്ഞു. അക്രമത്തിൽ യുവാവിനും സഹോദരനും ഗുരുതരമായി പരുക്കേറ്റു. ഹംസത്തിനും പരുക്കുണ്ടായിരുന്നു. തൃശൂർ മെഡിക്കൽ കോളജിൽ ചികിത്സയിൽ കഴിയുന്നതിനിടയിലാണ് പൊലീസ് അറസ്റ്റ് ചെയ്തത്.