മലപ്പുറം ജില്ലയിൽ ഇന്ന് (17-08-2022); അറിയാൻ, ഓർക്കാൻ

വില്വമംഗലം ദിനാഘോഷം നാളെ തവനൂരിൽ

തവനൂർ ∙വില്വമംഗലം ദിനാഘോഷം നാളെ തവനൂരിൽ നടക്കും.  ഭക്തകവി വില്ല്വമംഗലം താമസിച്ചിരുന്നതെന്നു കരുതുന്ന തവനൂർ ഇല്ലത്തറയിൽ നടക്കുന്ന ആഘോഷപരിപാടികൾ അജിത് കൊളാടി ഉദ്ഘാടനം ചെയ്യും.  ശ്രീകൃഷ്ണ ജയന്തി ദിനത്തിലാണ് വർഷംതോറും വില്ല്വമംഗലം ദിനാഘോഷം സംഘടിപ്പിക്കുന്നത്.

അധ്യാപകർ

∙ കൽപകഞ്ചേരി ഗവ. വൊക്കേഷനൽ ഹയർ സെക്കൻഡറി സ്കൂളിൽ ഹയർ സെക്കൻഡറി വിഭാഗത്തിൻ ഇംഗ്ലിഷ്, സൈക്കോളജി, കംപ്യൂട്ടർ സയൻസ്, ജേണലിസം, മലയാളം അധ്യാപക ഒഴിവ്. കൂടിക്കാഴ്ച 24ന് 2ന്.

∙ കല്ലിങ്ങൽപറമ്പ് എംഎസ്എം ഹയർ സെക്കൻഡറി സ്കൂളിൽ പ്ലസ് വൺ കമ്യൂണിറ്റി ക്വോട്ടയിൽ പ്രവേശനത്തിനുള്ള ഇന്റർവ്യൂ ഇന്നും 19നും നടക്കും. റാങ്ക് ലിസ്റ്റിൽ എല്ലാ വിഭാഗങ്ങളിലെയും ( സയൻസ്, കൊമേഴ്സ്, ഹ്യുമാനിറ്റീസ് ) 300 വരെ റാങ്ക് ഉള്ളവർ 17ന് 9:30നും 301 മുതൽ 500 വരെയുള്ളവർ 19ന്  9നും എത്തണം.

ലാബ് ടെക്നിഷ്യൻ

∙ വളാഞ്ചേരി നഗരസഭ പിഎച്ച്സിയിൽ ലാബ് ടെക്നിഷ്യൻ തസ്തികയിൽ ഒഴിവുണ്ട്. കേരള പാരാമെഡിക്കൽ കൗൺസിൽ റജിസ്ട്രേഷനുള്ളവർക്ക് അപേക്ഷിക്കാം. അഭിമുഖം 23ന് 11മണിക്ക് നഗരസഭ കാര്യാലയത്തിൽ.

കാർഷിക സൗഹൃദ സംഗമം ഇന്ന്

പൊന്നാനി ∙ പിസിഡബ്ലൂഎഫും ജില്ലാ കൃഷി വിജ്ഞാൻ കേന്ദ്രവും ചേർന്ന് ഇന്ന് കാർഷിക സൗഹൃദ സംഗമം ആചരിക്കും. പൊന്നാനി ബ്ലോക്ക് പഞ്ചായത്ത് പ്രസിഡന്റ് സി.രാമകൃഷ്ണൻ ഉദ്ഘാടനം ചെയ്യും. തവനൂർ കേളപ്പജി കെവികെ ഹാളിൽ  2ന് പരിപാടികൾ‌ തുടങ്ങും.

അഷ്ടമി രോഹിണി 

തിരുനാവായ ∙ നവാമുകുന്ദ ക്ഷേത്രത്തിൽ നാളെ അഷ്ടമി രോഹിണി ആഘോഷിക്കും. നവകം, പഞ്ചഗവ്യം, വിശേഷാൽപൂജ എന്നിവ ഉണ്ടാകും. രാവിലെയും വൈകിട്ടും കാഴ്ചശീവേലി, ഓട്ടൻതുള്ളൽ, അന്നദാനം, ചുറ്റുവിളക്ക്, തായമ്പക എന്നിവയും ഉണ്ടാകും.