അഴിമുഖത്ത് വഴിയടച്ച് വള്ളങ്ങൾ; ഹാർബറിൽ സ്ഥലമില്ലെന്ന് വള്ളക്കാർ

പൊന്നാനി ∙ അഴിമുഖത്ത് ബോട്ടുകളും വള്ളങ്ങളും അലക്ഷ്യമായി നിർത്തിയിടുന്നതിനാൽ അടിയന്തര ഘട്ടങ്ങളിൽ സുരക്ഷാ ബോട്ടിനു പോലും വേഗത്തിൽ കടന്നു പോകാൻ കഴിയാത്ത അവസ്ഥ. ഹാർബറിലേക്ക് വള്ളങ്ങൾക്കും ബോട്ടുകൾക്കും കടന്നു വരാനുള്ള വഴി തടസ്സപ്പെടുത്തിയാണ് പലപ്പോഴും മറ്റ് വള്ളങ്ങൾ വരിവരിയായി നിർത്തിയിടുന്നത്.

അഴിമുഖത്തെ യാത്രാ ബോട്ടിനും ഏറെ ബുദ്ധിമുട്ടുണ്ടാക്കുന്നുണ്ട്. വള്ളങ്ങൾ നിർത്തിയിടാൻ ഹാർബറിൽ സ്ഥലം കൊടുക്കുന്നില്ലെന്നാണ് വള്ളക്കാരുടെ പരാതി. ഇക്കാരണത്താലാണ് കിട്ടുന്ന സ്ഥലത്ത് നങ്കൂരമിടേണ്ടി വരുന്നതെന്ന് മത്സ്യത്തൊഴിലാളികൾ പറഞ്ഞു.