ഐരോളി ∙ ‘കൈരളി’യുടെയും എസ്എൻഎംഎസ്സിന്റെയും നേതൃത്വത്തിൽ ഐരോളി സെന്റ് ജോസഫ് പള്ളിയിൽ മലയാളം മിഷൻ പ്രവേശനോത്സവം നടത്തി. മിഷൻ നവിമുംബൈ മേഖല പ്രസിഡന്റ് വത്സൻ മൂർക്കോത്ത് മുഖ്യാതിഥിയായിരുന്നു. കൈരളി പ്രസിഡന്റ് ആർ.സി. പിള്ള അധ്യക്ഷത വഹിച്ചു. ഐരോളിയിലെ മറ്റുള്ള സഹോദര സംഘടനകളിൽ നിന്നുള്ള പ്രതിനിധികളും അതിഥികളായി പങ്കെടുത്തു. വി. കെ. പവിത്രൻ, അച്യുതൻകുട്ടി,  സുനിൽ, എ.സി.ജോൺ, സുനിൽ, രാജേഷ് നായർ. വിശാൽ നായർ എന്നിവർ പ്രസംഗിച്ചു. കുട്ടികളുടെ കലാപരിപാടികൾ അരങ്ങേറി. അധ്യാപകരെ ആദരിച്ചു.