എയർഇന്ത്യ വിമാനം വൈകിയത് 25 മണിക്കൂർ; പ്രതിഷേധം
Mail This Article
×
മുംബൈ∙ യുഎസിലെ സാൻഫ്രാൻസിസ്കോയിലേക്കുള്ള എയർഇന്ത്യ വിമാനം സാങ്കേതിക തകരാറിനെ തുടർന്ന് 25 മണിക്കൂർ വൈകിയത് യാത്രക്കാരെ വലച്ചു. തലകറക്കം അനുഭവപ്പെട്ട യാത്രികനെ തിരിച്ചിറക്കേണ്ടി വന്നു. വെള്ളിയാഴ്ച പുറപ്പെടേണ്ട വിമാനം ഇന്നലെ രാവിലെ 5.30ന് ആണ് പുറപ്പെട്ടത്.
യാത്രക്കാർ കയറിയതിന് ശേഷമാണു തകരാ‍ർ കണ്ടെത്തുന്നത്. തുടർന്ന് യാത്രക്കാരെ വിമാനത്തിനുള്ളിൽ ഇരുത്തിക്കൊണ്ടുതന്നെ പ്രശ്നം പരിഹരിക്കാൻ ശ്രമിച്ചു. ഇതിനിടെ പലരും ക്ഷീണിതരായി. പ്രതിഷേധവും ഉയർന്നു.
പ്രശ്നം പരിഹരിച്ചപ്പോഴേക്കും രാത്രി ആയി. സാൻഫ്രാൻസിസ്കോയിൽ ചെന്നിറങ്ങുന്ന സമയത്തിൽ നിയന്ത്രണം ഉള്ളതിനാൽ യാത്രക്കാരെ ഹോട്ടലുകളിലേക്കു മാറ്റി.യാത്ര റദ്ദാക്കിയവരുടെ ടിക്കറ്റ് തുക തിരികെ നൽകാനുള്ള നടപടികളെടുത്തെന്ന് എയർ ഇന്ത്യ അധികൃതർ പറഞ്ഞു
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
