സർക്കാരുകളുടെ ജനദ്രോഹ നയങ്ങൾക്കെതിരെ ജനസദസ്സ്

കോട്ടയം ∙ കേന്ദ്ര - സംസ്ഥാന സർക്കാരുകളുടെ ജനദ്രോഹ നയങ്ങൾക്കും അഴിമതിക്കും വിലക്കയറ്റത്തിനുമെതിരെ പാമ്പാടി യൂത്ത് കോൺഗ്രസ് മണ്ഡലം കമ്മിറ്റിയുടെ ആഭിമുഖ്യത്തിൽ വെള്ളൂർ കുന്നേപീടിയയിൽ ജനസദസ്സ് നടത്തി. യൂത്ത് കോൺഗ്രസ് ജില്ലാ പ്രസിഡന്റ് ചിന്തു കുര്യൻ ജോയി ഉദ്ഘാടനം ചെയ്തു. ഗ്രാമപഞ്ചായത്ത് അംഗം അനീഷ് ഗ്രാമറ്റം അധ്യക്ഷത വഹിച്ചു.

ഡോ. ജോളി കെ. ജോൺ, അഡ്വ. സിജി ഐസക്, ജില്ലാ പഞ്ചായത്ത് അംഗം രാധാ വി. നായർ, മണ്ഡലം പ്രസിഡന്റ് ഗോപകുമാർ, യൂത്ത് കോൺഗ്രസ് നേതാക്കളായ ജെയ്സൺ പേരുവേലി, ജിനോ വെള്ളകോട്ട്, ബിനീഷ് ബെന്നി, അജിൻ മള്ളിയിൽ, അരുൺ വർഗീസ്, ജസ്റ്റിൻ കെ. ജയിംസ് എന്നിവർ പ്രസംഗിച്ചു. പരിപാടിക്കൊപ്പം രക്തദാന സേനാരൂപീകരണവും നടത്തി.