അമൻ വിഹാർ ∙ യുവാവിനെ കുത്തിക്കൊലപ്പെടുത്തിയത് ഉൾപ്പെടെ ഒട്ടേറെ കേസുകളിൽ പ്രതിയായ കുട്ടിക്കുറ്റവാളി പിടിയിൽ. കഴിഞ്ഞ ദിവസമാണ് അമൻ വിഹാറിൽ ആകാശ് (17) കുത്തേറ്റു മരിച്ചത്. സംഭവത്തിന് ശേഷം ഹരിയാനയിലെ സോനിപ്പത്തിലേക്ക് കടന്ന പ്രായപൂർത്തിയാകാത്ത പ്രതിയെ പൊലീസ് പിടികൂടി ഡൽഹിയിലെത്തിച്ചു. കവർച്ചയും അടിപിടിയും ഉൾപ്പെടെ 6 ക്രിമിനൽ കേസുകളിൽ പ്രതിയായ ഇയാൾ ഒരു മാസം മുൻപാണ് ജുവനൈൽ ഹോമിൽ നിന്നു മോചിതനായത്. മുൻ വൈരാഗ്യമാണ് കൊലപാതകത്തിലേക്കു നയിച്ചതെന്ന് പൊലീസ് പറഞ്ഞു.