കൊച്ചിയിലേക്കുള്ള വിമാനം രണ്ടാം ദിവസവും റദ്ദാക്കി; വലഞ്ഞ് യാത്രികർ
Mail This Article
×
ന്യൂഡൽഹി ∙ കൊച്ചിയിലേക്കുള്ള വിസ്താര വിമാനം തുടര്‍ച്ചയായി രണ്ടാം ദിവസവും റദ്ദാക്കിയതോടെ മലയാളികൾ ഉൾപ്പെടെയുള്ള യാത്രക്കാർ വലഞ്ഞു. വൈകിട്ട് 4.20നുള്ള യുകെ 885 നമ്പര്‍ വിമാനമാണ് വീണ്ടും റദ്ദാക്കിയത്. വിമാനം കഴിഞ്ഞ ദിവസം റദ്ദാക്കിയതോടെ യാത്ര മുടങ്ങിയവർക്ക് ഇന്നലത്തേക്ക് ടിക്കറ്റ് നല്‍കിയിരുന്നു. എന്നാല്‍ യാത്രയ്ക്ക് ചെക്ക് ഇന്‍ ബാഗ് നല്‍കിയ ശേഷമാണ് ഇന്നലെയും വിമാനം റദ്ദാക്കിയതായി അറിയിച്ചത്. പ്രവര്‍ത്തനപരമായ കാരണങ്ങള്‍ കൊണ്ട് റദ്ദാക്കിയെന്ന് മാത്രം വെബ്സൈറ്റില്‍ വിസ്താര അറിയിച്ചു. പ്രശ്നത്തെപ്പറ്റി കൃത്യമായ മറുപടി വിമാനക്കമ്പനി നല്‍കിയില്ലെന്നും സ്വന്തം ചെലവിലാണ് താമസസൗകര്യം ഒരുക്കിയതെന്നും വിമാനത്തില്‍ ടിക്കറ്റ് ബുക്ക് ചെയ്തിരുന്ന യാത്രക്കാർ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.