തുടരുന്നു, ‘തുറന്ന’ ബസിലെ യാത്ര; ക്യാമറ കണ്ടും കാണാതെയും നിയമ ലംഘനങ്ങൾ
Mail This Article
×
പാലക്കാട് ∙ മോട്ടർ വാഹന വകുപ്പിന്റെ പരിശോധന അയഞ്ഞതോടെ ചില സ്വകാര്യ ബസുകൾ ഡോർ കെട്ടിവച്ചുള്ള സർവീസ് വീണ്ടും തുടങ്ങി. സ്കൂൾ തുറന്നതോടെ രാവിലെയും വൈകിട്ടും ബസുകളിൽ വിദ്യാർഥികൾ ഉൾപ്പെടെയുള്ള യാത്രക്കാരുടെ വലിയ തിരക്കുണ്ട്. ഇത് അപകട സാധ്യത വർധിപ്പിക്കുന്നു.
ബോധവൽക്കരണം, പിഴ, ലൈസൻസ് റദ്ദാക്കൽ തുടങ്ങിയ നടപടികളെടുത്തിട്ടും പാലക്കാട് നഗരത്തിൽ ഉൾപ്പെടെ പല ബസുകളും സർവീസ് നടത്തുന്നത് ഡോർ കെട്ടിവച്ചാണ്. ക്ലീനർ ഇല്ലാത്ത ബസുകളിൽ ആളുകളെ കയറ്റാനും ഇറക്കാനുമുള്ള സൗകര്യത്തിനായാണിത്. ഇതുകാരണം യാത്രക്കാരുടെ ജീവനാണു ഭീഷണിയാകുന്നത്. പടികളിൽ നിന്നു യാത്ര ചെയ്യുന്നവർ, ബസ് വളവു തിരിയുമ്പോൾ പുറത്തേക്കു തെറിച്ചു വീഴാനുള്ള സാധ്യത ഏറെയാണ്. അപകടകരമായി സർവീസ് നടത്തുന്ന ബസുകൾക്കെതിരെ നടപടി വേണമെന്നാണു യാത്രക്കാരുടെ ആവശ്യം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.