പൈതൃക ട്രെയിൻ പാളംതെറ്റി; 180 യാത്രക്കാരെ ബസിൽ കൊണ്ടുപോയി
Mail This Article
×
ഊട്ടി ∙ കുനൂരിൽ പൈതൃക ട്രെയിനിന്റെ കോച്ച് പാളംതെറ്റി. ട്രെയിനിൽ ഘടിപ്പിച്ചിരുന്ന 4 കോച്ചുകളിൽ അവസാനത്തെ കോച്ചാണ് പാളത്തിൽ നിന്നിറങ്ങിയത്. ട്രെയിൻ ഉടൻ നിർത്തിയതിനാൽ ആളപായമില്ല. 180 യാത്രക്കാരുമായി കുനൂരിൽ നിന്നു മേട്ടുപ്പാളയത്തേക്കു പുറപ്പെട്ട ട്രെയിനാണ് അപകടത്തിൽപെട്ടത്.
തുടർന്ന് യാത്രക്കാരെ പ്രത്യേക ബസുകളിൽ മേട്ടുപ്പാളയത്തേക്കു കൊണ്ടുപോയി. 3.20നു കുനൂരിൽ നിന്നു പുറപ്പെട്ട് ഒരു മിനിറ്റിനകം കോച്ച് പാളംതെറ്റുകയായിരുന്നു. 3 കോച്ചുകളുമായി മേട്ടുപ്പാളയത്തേക്ക് യാത്ര തുടരുമെന്ന് ആദ്യം റെയിൽവേ അറിയിച്ചിരുന്നുവെങ്കിലും സുരക്ഷാകാരണങ്ങളാൽ പിന്നീട് തീരുമാനം റദ്ദാക്കുകയായിരുന്നു.
English Summary: Nilgiri Mountain train derails near Coonoor, none injured
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.