നബിദിനം ആഘോഷിച്ച് നാട്

മണ്ണാർക്കാട് ∙ പ്രവാചകൻ മുഹമ്മദ് നബിയുടെ ജന്മദിനം ആഘോഷിച്ചു നാട്. വിവിധ മഹല്ലുകളും മദ്രസകളും കേന്ദ്രീകരിച്ചു വിവിധ പരിപാടികൾ സംഘടിപ്പിച്ചു. രാവിലെ പള്ളികളിൽ മൗലീദ് പാരായണം നടന്നു. നബിദിന റാലികളിൽ നൂറുകണക്കിനു കുട്ടികളും രക്ഷിതാക്കളും അണിനിരന്നു. ദഫ്മുട്ടിന്റെയും പ്രവാചക കീർത്തനങ്ങളുടെയും അകമ്പടിയോടെയായിരുന്നു റാലികൾ. മധുരം വിതരണം ചെയ്തും അന്നദാനം നടത്തിയും നാടൊന്നാകെ ആഘോഷങ്ങളിൽ പങ്കാളികളായി. വിദ്യാർഥികളുടെ കലാമത്സരങ്ങളും അരങ്ങേറി.