നാണയ പ്രദർശനം ഇന്നു സമാപിക്കും

പാലക്കാട് ∙ ഇന്ത്യയുടെ പുരാതന നാണയമായ ‘ഒരു ശതമാന’ ഉൾപ്പെടെ നാലായിരത്തിലധികം നാണയങ്ങളുടെയും  നിലവിലുള്ളതും ഇല്ലാത്തതുമായ 314 രാജ്യങ്ങളുടെ കറൻസികളുടെയും പ്രദർശനം ഇന്നു സമാപിക്കും. ആൻഷ്യന്റ് ഇന്ത്യ സംഘടനയുടെ സഹകരണത്തോടെ തേങ്കുറുശ്ശി സ്വദേശി കെ.ബി.ബാബുരാജാണ് ഭാരതം 2600 വർഷം, ചരിത്രം ഉറങ്ങുന്ന നാണയങ്ങളിലൂടെ എന്ന പ്രദർശനം നടത്തുന്നത്. ഐഎംഎ ഹാളിലാണു പ്രദർശനം. പകൽ 10 മുതൽ രാത്രി 8 വരെയാണു സമയം.