കാട്ടുപന്നി കർഷകർക്കു ഭീഷണി

അമ്പലപ്പാറ ∙ കാട്ടുപന്നികളുടെ വിളയാട്ടം കർഷകർക്കു ഭീഷണിയാകുന്നു. കണ്ണമംഗലം പാടശേഖരത്തിലാണു കഴിഞ്ഞ 2 ദിവസം തുടർച്ചയായി പന്നികൾ നെൽ കൃഷി നശിപ്പിച്ചത്. 20 ദിവസം കഴിഞ്ഞാൽ കൊയ്യാൻ പാകത്തിലായ വയലുകളിൽ കൂട്ടമായെത്തിയ പന്നികൾ വലിയതോതിൽ നാശനഷ്ടമുണ്ടാക്കി എന്നു കർഷകർ പറഞ്ഞു. മുത്തൻപാറ ശങ്കരന്റെ കൃഷിയിടത്തിൽ അരയേക്കറോളം കൃഷിയും പള്ളത്തൊടി നാരായണന്റെ 30 സെന്റ് കൃഷിയും നശിപ്പിക്കപ്പെട്ടതായാണ് വിലയിരുത്തൽ.  പഞ്ചായത്ത് ഉചിതമായ നടപടി സ്വീകരിക്കണമെന്നാണ് കർഷകരുടെ ആവശ്യം.