സോവറിൻ ഗോൾഡ് ബോണ്ട് ഇന്നു മുതൽ പോസ്‌റ്റ് ഓഫിസുകളിൽ

പട്ടാമ്പി ∙ റിസർവ് ബാങ്ക് ഓഫ് ഇന്ത്യ പുറത്തിറക്കുന്ന പരമാധികാര സ്വർണ കടപ്പത്രത്തിൽ (സോവറിൻ ഗോൾഡ് ബോണ്ട്‌) നിക്ഷേപം നടത്തുന്നതിന് ഇന്നു മുതൽ 22 വരെ ഒറ്റപ്പാലം തപാൽ ഡിവിഷനിലെ എല്ലാ സബ് ഓഫിസacുകളിലും അപേക്ഷിക്കാം. 2023-24 ലെ മൂന്നാം സീരീസാണ് ഇക്കാലയളവിൽ വിൽക്കുന്നത്. ഗ്രാമിന് 6144 രൂപയാണ് വില. 8 വർഷ കാലാവധിയുള്ള സ്കീമിൽ 5,6,7 വർഷങ്ങളിൽ എക്സിറ്റ് ഓപ്ഷനുണ്ട്. 2.50 ശതമാനം വീതം പലിശയും ലഭിക്കും. ആധാർ കാർഡ്, പാൻ കാർഡ്, ബാങ്ക് പാസ് ബുക്ക്‌ എന്നിവയുടെ കോപ്പിയും അപേക്ഷയോടൊപ്പം സമർപ്പിച്ച് ഈ സ്കീമിൽ നിക്ഷേപിക്കാൻ സാധിക്കുമെന്ന് ഒറ്റപ്പാലം തപാൽ ഡിവിഷൻ സൂപ്രണ്ട് അറിയിച്ചു.