ഒരാഴ്ചയ്ക്കിടെ 2 ആനകളെ ‌ ചരിഞ്ഞനിലയിൽ കണ്ടെത്തി

പൊള്ളാച്ചി ∙ ആനമല കടുവ സംരക്ഷണ കേന്ദ്രത്തിൽ ഉൾപ്പെട്ട  വനപ്രദേശത്ത് ഒരാഴ്ചയ്ക്കിടെ രണ്ട് ആനകളെ ചരിഞ്ഞ നിലയിൽ കണ്ടെത്തി. പച്ചമല  എസ്റ്റേറ്റ് ശൂടക്കാട് ഭാഗത്ത് വനം വകുപ്പ് നടത്തിയ പരിശോധനയിലാണ്  കുട്ടി ആനയുടെ ജഡം കണ്ടെത്തിയത്. ദിവസങ്ങളോളം പഴക്കമുള്ളതായി അധികൃതർ അറിയിച്ചു. ഇതുപോലെ ആനമല വനപ്രദേശത്ത് ആളിയാർ അടപ്പൻ പുളിമരം ഭാഗത്ത് കഴിഞ്ഞ ദിവസം ആനയുടെ ജഡം കണ്ടെത്തി. 25 വയസ്സുണ്ട്. ആനകളുടെ മരണത്തെ കുറിച്ച് അന്വേഷിക്കുമെന്ന് അധികൃതർ അറിയിച്ചു.