ഗൂഗിൾ മാപ്പ് ചതിച്ചാശാനേ; ഊട്ടിക്കു പോയവരുടെ വാഹനം പടിക്കെട്ടിൽ കുടുങ്ങി!
![palakkad-google-map-vehicle ഗൂഡല്ലൂരിൽ ഗൂഗിൾ മാപ് കാണിച്ച വഴിയിലൂടെ പടിക്കെട്ടിലെത്തിയ വാഹനം.](https://img-mm.manoramaonline.com/content/dam/mm/mo/district-news/palakkad/images/2024/1/30/palakkad-google-map-vehicle.jpg?w=1120&h=583)
Mail This Article
×
ഊട്ടി ∙ ഗൂഡല്ലൂരിൽ ഗൂഗിൾ മാപ്പ് കാണിച്ച വഴിയിലൂടെയെത്തിയ വാഹനം പടിക്കെട്ടിൽ കുടുങ്ങി. ഞായറാഴ്ച വൈകിട്ടായിരുന്നു സംഭവം. ഊട്ടിയിൽ നിന്നു മടങ്ങുകയായിരുന്ന ബെംഗളൂരു സ്വദേശികളുടെ വാഹനമാണു വഴിമാറി നടപ്പാതയിലെ പടിക്കെട്ടിലെത്തി നിന്നത്. വിനോദസഞ്ചാരികളുടെ തിരക്കുണ്ടായിരുന്ന ദിവസം എളുപ്പവഴി തേടിയ യാത്രക്കാരാണു വലഞ്ഞത്.
ഹെഡ് പോസ്റ്റ് ഓഫിസിനു സമീപം ഓവേലി റോഡിലേക്കെത്തിയ വാഹനം ഹെൽത്ത് ക്യാംപിനരികിലൂടെയുള്ള നടപ്പാതയിലെ പടിക്കെട്ടിലിറങ്ങി നിന്നു. വിവരമറിഞ്ഞെത്തിയ പൊലീസ് ഉദ്യോഗസ്ഥരുടെ നിർദേശപ്രകാരം പിന്നീട് പടിക്കെട്ടിലൂടെ തന്നെ വാഹനം പതുക്കെ ഇറക്കി പ്രധാന റോഡിലെത്തിക്കുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.