പാലക്കാട് ജില്ലയിൽ ഇന്ന് (24-03-2024); അറിയാൻ, ഓർക്കാൻ
![palakkad-announcement palakkad-announcement](https://img-mm.manoramaonline.com/content/dam/mm/mo/topics/common/palakkad-announcement.jpg?w=1120&h=583)
Mail This Article
കെട്ടിട നികുതിഇന്നും സ്വീകരിക്കും; കുമരനല്ലൂർ ∙ കപ്പൂർ പഞ്ചായത്തിൽ ഉൗർജിത നികുതി പിരിവിന്റെ ഭാഗമായി കെട്ടിട നികുതി സ്വീകരിക്കുന്നതിനായി അവധി ദിവസമായ ഇന്ന് ഓഫിസ് പ്രവർത്തിക്കുമെന്നു സെക്രട്ടറി അറിയിച്ചു.
കാളികാവിലെ ഉത്രം വിളക്ക്; നാളെ ഗതാഗത നിയന്ത്രണം
പത്തിരിപ്പാല ∙ മങ്കര കാളികാവിലെ ഉത്രം വിളക്ക് ഉത്സവത്തോടനുബന്ധിച്ചു മങ്കര – കാളികാവ്– കോട്ടായി റോഡിൽ നാളെ ഉച്ചകഴിഞ്ഞു 3 മുതൽ 10 വരെ ഗതാഗതനിയന്ത്രണം ഏർപ്പെടുത്തി. കോട്ടായി ഭാഗത്തേക്കു വരുന്ന വാഹനങ്ങള് പറളി, ഓടന്നൂര് വഴി പോകണം. മങ്കരയിലേക്കുള്ളവ വാവുള്ള്യാര്, ഓടന്നൂര്, പറളി വഴി പോകണം.
അപേക്ഷ ക്ഷണിച്ചു
ഷൊർണൂർ∙ ഗവ.ടെക്നിക്കൽ ഹൈസ്കൂളിൽ എട്ടാം ക്ലാസ് പ്രവേശനത്തിന് അപേക്ഷിക്കാം. ഏപ്രിൽ 3 വരെ www.polyadmission.org/ths വഴി ഓൺലൈനായാണ് അപേക്ഷിക്കേണ്ടത്. ഏപ്രിൽ 5ന് രാവിലെ 10 മുതൽ 11.30 വരെ അഭിരുചി പരീക്ഷ നടത്തും. ഏഴാം ക്ലാസ് പാസായ മലയാളം/ഇംഗ്ലിഷ് മീഡിയം വിദ്യാർഥികൾക്ക് അപേക്ഷിക്കാം. 9447477094