തിരഞ്ഞെടുപ്പ് ബോധവൽക്കരണ സന്ദേശയാത്ര

പാലക്കാട്∙ കുമരപുരം ഗവ. വനിതാ ടിടിഐയിലെ ഇലക്ടറൽ ലിറ്ററസി ക്ലബ് അംഗങ്ങളുടെ നേതൃത്വത്തിൽ ലോകസഭാ തിരഞ്ഞെടുപ്പിനോടനുബന്ധിച്ച് തിരഞ്ഞെടുപ്പ് ബോധവൽക്കരണ സന്ദേശയാത്ര സംഘടിപ്പിച്ചു. പാലക്കാട് ജില്ല സ്വീപ്പ് നോഡൽ ഓഫീസർ ഒ.വി.ആൽഫ്രട്ട് ഉദ്ഘാടനം ചെയ്തു. വോട്ടവകാശത്തിന്റെ പ്രാധാന്യം വിളിച്ചോതുന്ന പ്ലക്കാഡുകളുമേന്തി അധ്യാപക വിദ്യാർഥികൾ സമീപപ്രദേശങ്ങളിലെ വീടുകൾ സന്ദർശിച്ചു.  പ്രിൻസിപ്പൽ പി.സി.കൃഷ്ണൻ, അധ്യാപകരായ ടി.വിജയകൃഷ്ണൻ, കെ.സെൽമ മോൾ,  ജി.ജയലേഖ തുടങ്ങിയവർ നേതൃത്വം നൽകി.