ചിറമുടി ടൂറിസം: സാധ്യത തേടി ടൂറിസം പ്രമോഷൻ കൗൺസിൽ
Mail This Article
×
പന്തളം ∙ പൂഴിക്കാട് ചിറമുടിയുടെ കാഴ്ച ഭംഗി ഗ്രാമീണ ടൂറിസത്തിന്റെ ഭാഗമാക്കാനുള്ള സാധ്യത തേടി ജില്ലാ ടൂറിസം പ്രമോഷൻ കൗൺസിൽ. പ്രാഥമിക പഠനം നടന്നു. ടൂറിസം വകുപ്പിന്റെ അംഗീകാരമുള്ള ഏജൻസിയെ സമഗ്ര പഠനത്തിനായി ചുമതലപ്പെടുത്താനാണ് ഡിടിപിസിയുടെ തീരുമാനം.ചിറമുടി ടൂറിസം പദ്ധതിക്ക് മുൻപ് 2 തവണ സംസ്ഥാന ബജറ്റുകളിൽ ഇടം ലഭിച്ചിരുന്നു.എന്നാൽ, കോവിഡ് പ്രതിസന്ധിയുടെ പശ്ചാത്തലത്തിൽ പദ്ധതിക്ക് ഫണ്ട് ലഭിക്കുക പ്രയാസകരമാകുമെന്ന വിലയിരുത്തലിലാണ് ഡിടിപിസി.
കൗൺസിലിന്റെ സ്വന്തം ഫണ്ടിൽ നിന്നു ലഭിക്കാവുന്ന തുക വിനിയോഗിച്ചു സാധ്യമാകുന്ന വികസന പ്രവർത്തനം നടത്താനാണ് ഇപ്പോഴത്തെ ആലോചന. ഒരു വശത്ത് വിസ്തൃതമായ കുളവും മറുവശത്ത് വിശാലമായ കരിങ്ങാലി പുഞ്ചയും ചേർന്നൊരുക്കുന്ന കാഴ്ച ഭംഗി സന്ദർശകരെ ആകർഷിക്കുമെന്ന കണക്കുകൂട്ടലിലാണ് ഡിടിപിസി ഗ്രാമീണ ടൂറിസം പദ്ധതിയുടെ സാധ്യത തേടുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
